Ako'y mamamayang Pilipino.
Kikilalanin ko, igagalang,
ipagtatanggol at isasakatuparan
ang dangal at karapatan ng bawat tao
nang walang pinapanigang kasarian,
lipi, pananampalataya
at katayuan sa buhay
kababaihan, nakatatanda, katutubo
at mga taong may kapansanan
nang may paggalang at pagkilala
sa kanilang kakayahan.
Titiyakin ko na ang bawat bata
ay hindi salat sa pagkalinga,
at may matiwasay na lipunang ginagalawan.
Tututulan ko ang pagmamalabis
sa kapangyarihan, katiwalian,
at pagyurak sa karapatan
ng mga manggagawa, mga mahihirap,
at mga sector na higit na nangangailangan.
Paninindigan ko ang aking pananagutan
sa aking kapwa.
Babantayan ko
na gagampanan ng pamahalaan
ang kaniyang tungkulin
na igalang, ipagtanggol at isakatuparan
ang mga karapatang pantao.
Magkapit-bisig tayo sa pagsulong
sa katuparan ng lahat ng
Karapatang Pantao. - https://www.affordablecebu.com/
