Home » Articles » Legal Advice

Ano ang pinagkaiba ng cyberbullying sa cyberlibel?

Ano ang pinagkaiba ng cyberbullying sa cyberlibel?
"Dear Attorney,

Maari pa ba akong mag­sampa ng kaso laban sa cyber­bullying na naranasan ko mula sa aking mga naging ka-trabaho? Noong isang taon pa po kasi nangyari ang cyberbullying pero nakuhanan ko naman po ng screenshots ang mga pinagpo-post nila laban sa akin. —Len

Dear Len,




Kailangan muna nating lina­win kung ano ba ang term na “cyberbullying “ sa ilalim ng ating batas. Ang bullying kasi sa ilalim ng Republic Act No. 10627 o Anti-Bullying Act of 2013 ay patungkol lamang sa bullying na nagaganap sa eskuwelahan at sa pagitan ng mga estudyanteng nag-aaral doon. Walang probisyon sa nasabing batas para sa direktang pagpaparusa sa mga nambu-bully dahil iniaatas lamang nito sa mga pamunuan ng mga paaralan ang pagbuo ng mga polisiya para mapigilan ang bullying sa mga eskuwelahan.

Hindi naman ibig sabihin nito ay wala nang batas na maaring sumaklaw sa sinasabi mong pambu-bully na nangyari sa iyo sa trabaho. Depende sa sinasabi mong ginawa sa iyo, maari kang magsampa ng kaso sa ilalim ng Republic Act No. 10175 o Cybercrime Prevention Act of 2012 kung pasok sa depinisyon ng libel ang mga pinagpo-post ng mga ka-trabaho mo laban sa iyo.




Maari ka ring magsampa sa ilalim ng RA 9995 o Anti-photo and Voyeurism Act of 2009 kung ang mga mapanirang post laban sa iyo ay binubuo ng mga maseselang larawan o video.

Nabanggit mo na noong isang taon pa ang mga post laban sa iyo kaya kailangan mong malaman na may isyu pa sa ngayon ukol sa prescriptive period o yung nakalaang panahon para magreklamo para sa kaso ng cyberlibel. Mayroon kasing nagsasabi  na isang taon lamang ito ngunit may nagsasabi naman na 12 taon dapat ito. Hangga’t wala kasing ibinababang desisyon ang ating Korte Suprema patungkol sa isyu ng prescriptive period sa mga kasong may kinalaman sa cyberlibel ay walang makakapagsabi ng tiyak na sagot sa isyu na iyan.

Mahalagang malaman mo ito kung cyberlibel ang isasampa mo dahil maaring maibasura kaagad ang kaso mo kung sakaling higit na sa isang taon ginawa ang mga mapanirang post laban sa iyo." - https://www.affordablecebu.com/
 

Please support us in writing articles like this by sharing this post

Share this post to your Facebook, Twitter, Blog, or any social media site. In this way, we will be motivated to write articles you like.

--- NOTICE ---
If you want to use this article or any of the content of this website, please credit our website (www.affordablecebu.com) and mention the source link (URL) of the content, images, videos or other media of our website.

"Ano ang pinagkaiba ng cyberbullying sa cyberlibel?" was written by Mary under the Legal Advice category. It has been read 480 times and generated 1 comments. The article was created on and updated on 29 October 2021.
Total comments : 1
Ifdtoy [Entry]

buy generic atorvastatin 20mg <a href="https://lipiws.top/">buy lipitor pills for sale</a> order lipitor 80mg pill