Ikatlong Pambansang Kumperensiya at Palihan sa Panitikang Pambata

Ang Pilandokan, Inc., (National Research Society for Children's Literature) sa pakikipagtulungan ng National Commission for Culture and the Arts (NCCA) at Kolehiyo ng Arte at Literatura, Unibersidad ng Pilipinas (UP) ay magdaraos ng Ikatlong Pambansang Kumperensiya at Palihan sa Panitikang Pambata sa Oktubre 14-16, 2011, sa Pulungang Claro M. Recto, Bulwagang Rizal, Kolehiyo ng Arte at Literatura, UP, Diliman. Layunin ng kumperensiya ang kritikal na pagtalakay sa mga isyu ng bata at panitikang pambata na magsusulong ng higit na progresibong kaisipan sa mga estudyante at bata sa ating lipunan. Layon ng kumperensiya na talakayin ang mga usapin sa produksiyon, pagtuturo, at pagsusuri ng panitikang pambata sa Pilipinas. Susuriin ang mga anyo at aspekto ng panitikang pambata gaya ng picture book, panulaan, programang pantelebisyon, pagsasalin (translation), muling pagsasalaysay (creative storytelling), at mga usapin sa siyensiya at medisina sa aklat pambata.

Ang mga guro, punongguro, koordineytor, pansangay at panrehiyong superbisor ng Panitikan ay inaanyayahang dumalo sa kumperensiyang ito. Maaari ring dumalo ang kaguruan mula sa ibang departamento o disiplina.

Para sa iba pang impormasyon, makipag-ugnay o tumawag kina Bb. Susan Alcantara sa mobile phone blg.: 0928-790-8131 o kay Bb. Pauline Hernando sa mobile phone blg.: 0915-6382648 o kaya mag-email sa pagongatmatsing@yahoo.com. Maaari ring bumisita sa facebook: Samahang Pilandokan para sa mga bagong anunsiyo at mga balita. - https://www.affordablecebu.com/