Home » Articles » Philippine Government

7 Dahilan Kung Bakit Tagalog ang Pambansang Wika

Marami ang diyalektong ginagamit ng bansang Pilipinas. Nandiyan ang Tagalog, Cebuano, Ilokano, Kapampangan, Pangasinense, Bicolano, Waray, Tausug, Maranao, at marami pang iba. Hindi ka ba nagtataka kung bakit Tagalog ang naging pambansang wika? Niluto nga ba ni Manuel Quezon ang pagpili ng Tagalog bilang pambansang wika? Taga Tayabas daw kasi si Quezon. Si Quezon daw ang nagpasimuno ng lahat ng ito. Pero walang dokumentong nagpapatibay nito ayon kay Propesor Danton Remoto.
Katunayan, kabaliktaran ang sinasabi ng dokumentong pangkasaysayan. Si Norberto Romualdez na Waray ang lumikha ng batas para itatag ang Surian ng Wikang Pambansa (SWP). Si Jaime de Veyra naman ang kampeon ng panitikang Waray ang nanguna sa unang lupon ng SWP. Karamihan din ng mga kasapi nito ay hindi mga Tagalog. Gaya ni Santiago Fonacier, isang Ilokano, Filemon Sotto (Cebuano), Casimiro Perfecto (Bikolano). Si Cecilio Lopez lamang ang Tagalog. Pero bakit Tagalog ang pinili nila?
 
7 Dahilan Bakit Tagalog ang Pambansang Wika

Ayon sa pag-aaral ng SWP, may 7 dahilang kung bakit Tagalog ibinatay ang Pambansang Wika:
  1. Higit na maraming panitikan ang naisulat sa Tagalog. Mas maraming libro at dyaryo ang gumagamit ng Tagalog kumpara sa Ilokano at Bisaya.
  2. Ginagamit ito ng nakararami. Maging ang hindi Tagalog ay ginagamit ito bilang "intermediary language".
  3. Ito ay may pinakamayamang talasalitaan. Katunayan, ang Tagalog ay binubuo ng 30,000 salitang-ugat at 700 panlapi.
  4. Ginagamit ito sa sentrong kalakalan.
  5. Madali itong pag-aralan, matutunan at bigkasin.
  6. Kaya nito pag-isahin ang iba't ibang linggwahe ng ating bansa. Para kasing organismo ang wika. Nadadagdagan ang mga salita. Nababago sa pagdaan ng panahon.
  7. Gumagamit ng Tagalog ang karamihan sa mga bayaning nagbuwis ng buhay para sa ating kalayaan.
Meron ka pa bang gustong idadagdag sa mga nabanggit na dahilan? I-post sa comment sa ibaba.
 

Share This Post

If you like this article, we would really appreciate if you share this on Facebook, Twitter, or on any social media channels. Every share makes a huge difference and helps us write more articles like these. Thank You!

--- NOTICE ---
If you want to use this article or any of the content of this website, please credit our website (www.affordablecebu.com) and mention the source link (URL) of the content, images, videos or other media of our website.
"7 Dahilan Kung Bakit Tagalog ang Pambansang Wika" was written by under the Philippine Government category. It has been read 7853 times and generated 0 comments. The article was created on and updated on 04 August 2016.
Name*:
Email:
Check this*:
Total comments : 0