Home » Articles » Legal Advice

Maari bang makulong dahil sa utang sa credit card?...

Maari bang makulong dahil sa utang sa credit card?
"Dear Attorney,

Makukulong po ba ako sa hindi ko pagbabayad ng utang sa credit card? Pinadalhan na po kasi ako ng demand letter ng credit card company kaya balak ko po sanang lumipat ng tirahan para pansamantalang makatakas muna sa walang tigil na pangungulit sa akin ukol sa aking utang.

Arvin




Dear Arvin,

Wala namang nakukulong dito sa Pilipinas dahil sa utang alinsunod sa Section 20, Article III ng ating 1987 Constitution kung saan nakasaad na “no person shall be imprisoned for non-payment of debt.”




Gayunpaman, ang nasabing garantiya ng ating Saligang Batas ay para lamang sa mismong akto ng hindi pagbabayad ng utang at hindi na nito saklaw ang iba pang aksyon na kaakibat nito katulad ng panloloko. Ito ang dahilan kung bakit makukulong pa rin para sa kasong estafa ng isang hindi nakapagbayad ng utang kung ang hindi niya pagbabayad ay may kasamang panloloko o kaya’y pag-iisyu ng tumalbog na tseke.

Sa iyong sitwasyon, nabanggit mo na plano mong lumipat ng tirahan upang matakasan ang mga naniningil sa iyo.

Nais kong ipaalam sa iyo na bagama’t hindi ka makukulong dahil lamang sa iyong pagkakautang ay maari ka namang mabilanggo dahil sa balak mong pagtatago mula sa mga naniningil sa iyo.

Sa ilalim kasi ng Republic Act No. 8484, pinarurusahan ang sinumang lumipat ng tirahan nang hindi nagpapaalam sa credit card company, kung mayroon siyang pagkakautang na higit sa P10,000 at hindi bababa sa 90 araw nang overdue o hindi pa nababayaran. Sakaling ma-convict, mahaharap sa multa at pagkakakulong na hindi bababa ng anim (6) taon at hindi hihigit ng sampung (10) taon. Sa iyong kaso, mukhang matagal nang overdue ang iyong utang kaya kung higit P10,000 ang iyong pagkakautang ay maaring magdulot pa ng mas mabigat na problema ang balak mong pagtatago mula sa credit card company na pinagkakautangan mo.

Paalala lamang sa ating mga mambabasa na ang nakasaad na legal advice dito ay batay lamang sa inilahad ng sumulat at maaring hindi ito maging angkop sa ibang sitwasyon. Mas mainam pa rin na kayo ay personal na kumunsulta sa isang abogado para sa inyong mga problemang legal."
 

Please support us in writing articles like this by sharing this post

Share this post to your Facebook, Twitter, Blog, or any social media site. In this way, we will be motivated to write articles you like.

--- NOTICE ---
If you want to use this article or any of the content of this website, please credit our website (www.affordablecebu.com) and mention the source link (URL) of the content, images, videos or other media of our website.

"Maari bang makulong dahil sa utang sa credit card?" was written by Mary under the Legal Advice category. It has been read 525 times and generated 0 comments. The article was created on and updated on 29 October 2021.
Total comments : 0