Home » Articles » Legal Advice

Maari bang bawasan ang araw ng pasok sa trabaho?...

Maari bang bawasan ang araw ng pasok sa trabaho?
"Dear Attorney,

Sinabihan po kami ng aming kompanya kamakailan na magpapatupad na sila ng rotation ng pagpasok ng mga empleyado upang maiwasan daw po ang tuluyang pagkalugi ng negosyo. Dahil dito, lalabas na tatlong araw lang kada linggo ang magiging pasok namin kaya mababawasan ang aming sinasahod. Tama po ba na gawin nila ito?  – Edith

Dear Edith,




May batayan naman sa batas ang gagawing “rotation” sa inyong kompanya. Kailangan nga lang sumunod ng employer sa ilang panuntunan sa pagpapatupad ng mga tinatawag na “alternative work schemes” na katulad ng rotation sa pagpasok na gustong mangyari ng inyong kompanya.

Ayon sa Labor Advisory No. 17-2020 ng Department of Labor and Employment (DOLE), kailangang mag-submit ng report sa regional office ng DOLE na may saklaw sa establisemento. Laman ng report na ito ang alternative work scheme na ipatutupad at ang pangalan ng mga empleyadong maapektuhan nito. Kailangang maipasa sa DOLE ang report na ito pitong (7) araw bago ipatupad ang alternative work scheme.




Kailangan ding tandaan na pansamantala lang dapat ang rotation sa pagpasok sa trabaho na gustong ipatupad sa inyo. Dahil bunsod lang naman ito sa krisis na kasalukuyang kinakaharap ng kompanya, hindi dapat tatagal sa 6 na buwan ang pagpapatupad ng mga alternative work schemes para sa mga empleyado.

Inilabas ng DOLE ang mga panuntuan na ito upang hikayatin ang mga negosyong kasalukuyang nakakaranas ng pagkalugi dahil sa pandemya na magpatupad na lang ng mga alternative work scheme na katulad ng  mangyayaring rotation sa inyo imbes na magsara at maging dahilan ng tuluyang pagkawala ng hanapbuhay para sa mga empleyado."
 

Please support us in writing articles like this by sharing this post

Share this post to your Facebook, Twitter, Blog, or any social media site. In this way, we will be motivated to write articles you like.

--- NOTICE ---
If you want to use this article or any of the content of this website, please credit our website (www.affordablecebu.com) and mention the source link (URL) of the content, images, videos or other media of our website.

"Maari bang bawasan ang araw ng pasok sa trabaho?" was written by Mary under the Legal Advice category. It has been read 197 times and generated 0 comments. The article was created on and updated on 29 October 2021.
Total comments : 0